Англиянинг "Манчестер Юнайтед" клуби ва Англия терма жамоаси ҳимоячиси Люк Шоу собиқ жамоадоши, айни пайтда "Милан" сафида тўп сураётган Златан Ибрагимовичнинг тажрибаси ҳақида фикр билдирди.
- У ақлдан озган эди. Ўйлайманки, Златан "Манчестер Юнайтед"га кийиниш хонасида керак бўлган инсон эди. У чиндан ҳам истеъдодли футболчи. Кўп футболчилардан ёши катта бўлишига қарамай, юқори савияда ўйнай оларди. У кийиниш хонасида ажойиб муҳит ярата оларди. У жуда кўп ҳазилларни билар эди, бироқ, қачонки назоратдан чиқиб кетсанг, у дарҳол жиддийлашарди.
Златан — туғма ғолиб. У ўзини нафақат расмий ўйинда, балки, ҳатто машғулотларда ҳам кўрсатишга ҳаракат қилади. Агар сен унинг жамоасида бўлсанг ва мағлубиятга учрасанг - у сени ўлдиради. У бошқа футболчиларнинг ўсишига ёрдам берди, чунки, у ҳеч кимга хотиржамликка берилишига йўл қўймасди. Менимча, жамоамизда уни ҳамма яхши кўрарди, — Шоунинг сўзларидан иқтибос келтирмоқда Goal портали.
