Ushbu ruknimizdagi eng so‘nggi yangiliklar bilan tanishtirishda davom etamiz.

Rakitich “Inter”ga kerakmi?

Milanning “Inter” klubi “Barselona” futbolchisi Ivan Rakitichni o‘z safiga qo‘shib olishdan bosh tortdi.

Bu haqida Italiyalik journalist Nikola Skiri xabar bermoqda. Uning aytishicha, “Barsa” Lautaro Martinesning transferiga Rakitichni qo‘shib bermoqchi edi, biroq “ko‘k-qora”lar ustozi Ivan uning o‘yin rejasida yo‘q ekanligini rasman ma’lum qilgan.

Avvalroq “Inter” Nelson Samedu va Xunior Firponi Martines bilan ayrboshlashga rozi bo‘lmagan edi.

Eslatib o‘tamiz, “Inter” argentinalik hujumchi uchun 111 million yevro talab qilmoqda.

“Zenit” “Yuve” futbolchisiga ko‘z tikkan

Rossiyaning “Zenit” klubi yozda “Yuventus” himoyachisi Daniyel Ruganini sotib olishi mumkin.

“Tuttomercatoweb” nashri bergan xabarlarga qaraganda, rus klubi himoyachi uchun 2023-yilga qadar mo‘ljallangan shartnoma taklif qilgan bo‘lib, uning yillik maoshini 2,5 million yevroga baholagan.

Hozircha Turin klubi bu borada qaror qabul qilgani yo‘q, biroq himoyachining o‘zi ko‘proq o‘yin amaliyotga ega bo‘lish uchun Italiyani tark etishga tayyor.

Onana uchun kurash

Andre Onana “Barselona”ga qaytib borishni istamayapti.

“L’equipe” nashri bergan xabarlarga qaraganda, 24 yoshli darvozabon PSJ jamoasi sharafini himoya qilish maqsadida “Barselona”dan tushgan taklifni rad etishga tayyor.

Manba bergan xabarlarga qaraganda, Onana Ter Shtegen bilan raqobat qilishni istamayapti. U shunchaki kubok uchrashuvlari darvozaboni bo‘lishdan ko‘ra, Parijda asosiy kipper bo‘lishni avzal ko‘rmoqda.

“Norvich”dan ilk yozgi transfer

Angliyaning “Norvich” klubi rasman yozgi transferni amalga oshirdi.

Klub rasmiy sayti bergan xabarlarga qaraganda, jamoa “Dyudelanj” klubi vingeri Danel Sinanini o‘z safiga qo‘shib oldi.

Manbada aytilishicha, 23 yoshlik futbolchi yozda erkin agent maqomini olishi bois, klub u bilan shaxsiy shartnoma borasida kelishib olgan.

Lyuksenburglik futbolchi uchun “Norvich Siti” 2023-yilga qadar mo‘ljallangan shartnomani taklif etdi. Hozircha uning maoshi rasman ma’lum qilinmagan.

Yovich ketadimi?

Taniqli ASnashri bergan xabarlarga qaraganda, “Real Madrid” Yovichning xurmacha qiliqlariga qaramay, uni sotib yubormasligi aniq.

Gap shundaki, klub 22 yoshli futbolchini qayta sotibolish sharti bilangina transferga qo‘yishi, yoki o‘yin amaliyotiga ega bo‘lishi uchun ijaraga berishi mumkin xolos.

Manba bergan ma’lumotlarga qaraganda, Florentina Peres Luka kelajakda futbolchi va inson sifatida o‘sishiga shubha qilmayapti.