«Barselona» klubi sobiq yulduzi Rivaldo «ko‘k-anorranglilar» hujumchisi Usmon Dembele haqida o‘z fikrini bildirib o‘tdi.

«Usmon Dembele bilan 3 yil avval shartnoma imzolashgan edi. U «Barselona» tarkibida muqimga o‘ringa ega bo‘lish va o‘zini ko‘rsatish uchun yetarli imkoniyatga ega bo‘ldi. Ehtimol, endi u hech qachon o‘z darajasini namoyish qila olmasa kerak.

Uning salohiyati hamon yuqori, lekin «Barselona» yozda uni sotib yuborishi yoki boshqa o‘yinchiga almashishi mumkin. Jarohat jihatdan ham uning omadi kelmadi. U boshqa jamoaga o‘tib, o‘zini ishonchli his qilishi va yaxshi o‘ynashi mumkin.

Nazarimda, «Barselona» Neymar va Lautaro Martinesni qo‘lga kiritishga urinib ko‘radi. Shunday bo‘lsa, Dembele asosiy tarkibga kira olmay qoladi.

Bundan tashqari, «Barsa» o‘z tarkibini qisqartirishi va boshqa o‘yinchilarni sotib olish uchun pul ishlashi kerak», – dedi Rivaldo.