Bugungi murakkab sharoitda o‘zbekistonlik sportchilar, ayniqsa Olimpiya sport turlari bo‘yicha mamlakat terma jamoasi a’zolari hukumatimiz tomonidan har tomonlama qo‘llab-quvvatlanishda davom etmoqda.
Karantin davrida sport musobaqalari va o‘quv-mashg‘ulot yig‘inlari vaqtincha to‘xtatilgan bo‘lsa-da, sportchilarimiz uy sharoitida mashg‘ulotlarni davom ettirishlari uchun barcha sharoitlar muhayyo qilib berilayotir. Bu esa sportchilarni o‘z ustida yanada ko‘proq ishlashga, karantin davri tugagach o‘z g‘alabalari bilan yurtdoshlarimizni xushnud etishga da’vat etayotgan bo‘lsa ne ajab.
Velosport bo‘yicha O‘zbekiston terma jamoasi a’zosi, Osiyo chempioni, Tokio olimpiadasi yo‘llanmasi sohibi Olga Zabelinskaya bunday qo‘llab-quvvatlash uchun barcha olimpiyachi sportchilar, jumladan velosport terma jamoasi a’zolari nomidan O‘zbekiston Respublikasi Prezidenti Shavkat Mirziyoyevga minnatdorlik bildirib, bunday e’tibor va g‘amxo‘rliklarga o‘z g‘alabalari bilan javob qaytarishlarini bildirdi.
Jismoniy tarbiya va sport vazirligi
Matbuot xizmati
