E’tiboringizga "O‘LMAS IQTIBOSLAR" loyihasining navbatdagi sonini taqdim etamiz. Bu safar "MYU" va Shimoliy Irlandiya terma jamoasi yarim himoyachisi, "Oltin to‘p" sohibi (1968) Jorj Best tomonidan aytilgan iqtiboslarni o‘qishingiz mumkin.
- “Hakamning o‘yinni yakunlovchi xushtagini o‘lgudek yomon ko‘raman. Chunki agar yaxshi o‘ynayotgan bo‘lsam, buning tugamasligini istayman. Hech narsa qovushmayotgan bo‘lsa, hammasi joyida bo‘lguncha ko‘nglim joyiga tushmaydi”
- “Men hech qachon ser Alf Remsining to‘psiz harakatlanish va pressing qilish haqidagi nazariyasini qabul qilmayman. Men futbolchiman, demak to‘p menda bo‘lishi shart”
- “1969 yilda ichkilik va ayollarga o‘ralashib qoldim. Bu xayotimning eng yomon yigirma daqiqasidir”
- “Aytishlaricha, Pol Gaskoyn – yangi Jorj Best emish. Nima, u ham uch nafar dunyo go‘zali bilan birga bo‘lganmikan?”
- “Bir kun Gaskoyning IQ si uning libosidagi nomeridan ham past, deb aytgandim. U bo‘lsa mendan “IQ nima?” deb so‘radi”
- “Uning juda omadi kelgan. Aslida u oddiy bir futbolchi, shunchaki, futbolda haqiqiy shaxsiyatlar bo‘lmagan davrlarda paydo bo‘lgandi” (Kevin Kigan haqida)
- “Umrim davomida ichgan barcha shampan vinolaridan voz kesgan bo‘lardim – atigi bir marotaba, “Old Trafford”da, u bilan yevrokubok o‘yinida birga o‘ynash uchun” (Erik Kantona haqida)
- “Chap oyoqda tepa olmaydi, boshi bilan yomon o‘ynaydi, to‘p uchun kurashish qo‘lidan kelmaydi, ko‘p gol urmaydi, ammo boshqa jihatlarda unga gap yo‘q” (Devid Bekxem haqida)
- “Agar men xunuk bo‘lib tug‘ilganimda, siz Pele haqida umuman eshitmagan bo‘lardingiz”
- “Mening oyog‘imga tepishyaptimi, demak men ulardan kuchliroqman”
- “Men kabi o‘lmanglar!” (Bestning so‘nggi murojaati)
