Эътиборингизга "ЎЛМАС ИҚТИБОСЛАР" лойиҳасининг навбатдаги сонини тақдим этамиз. Бу сафар "МЮ" ва Шимолий Ирландия терма жамоаси ярим ҳимоячиси, "Олтин тўп" соҳиби (1968) Жорж Бест томонидан айтилган иқтибосларни ўқишингиз мумкин.
- “Ҳакамнинг ўйинни якунловчи хуштагини ўлгудек ёмон кўраман. Чунки агар яхши ўйнаётган бўлсам, бунинг тугамаслигини истайман. Ҳеч нарса қовушмаётган бўлса, ҳаммаси жойида бўлгунча кўнглим жойига тушмайди”
- “Мен ҳеч қачон сэр Альф Рэмсининг тўпсиз ҳаракатланиш ва прессинг қилиш ҳақидаги назариясини қабул қилмайман. Мен футболчиман, демак тўп менда бўлиши шарт”
- “1969 йилда ичкилик ва аёлларга ўралашиб қолдим. Бу хаётимнинг энг ёмон йигирма дақиқасидир”
- “Айтишларича, Пол Гаскойн – янги Жорж Бест эмиш. Нима, у ҳам уч нафар дунё гўзали билан бирга бўлганмикан?”
- “Бир кун Гаскойнинг IQ си унинг либосидаги номеридан ҳам паст, деб айтгандим. У бўлса мендан “IQ нима?” деб сўради”
- “Унинг жуда омади келган. Аслида у оддий бир футболчи, шунчаки, футболда ҳақиқий шахсиятлар бўлмаган даврларда пайдо бўлганди” (Кевин Киган ҳақида)
- “Умрим давомида ичган барча шампан виноларидан воз кесган бўлардим – атиги бир маротаба, “Олд Траффорд”да, у билан еврокубок ўйинида бирга ўйнаш учун” (Эрик Кантона ҳақида)
- “Чап оёқда тепа олмайди, боши билан ёмон ўйнайди, тўп учун курашиш қўлидан келмайди, кўп гол урмайди, аммо бошқа жиҳатларда унга гап йўқ” (Дэвид Бекхэм ҳақида)
- “Агар мен хунук бўлиб туғилганимда, сиз Пеле ҳақида умуман эшитмаган бўлардингиз”
- “Менинг оёғимга тепишяптими, демак мен улардан кучлироқман”
- “Мен каби ўлманглар!” (Бестнинг сўнгги мурожаати)
