«Barselona» hujumchisi Luis Suares jarohatidan forig‘ bo‘ldi va jamoaviy mashg‘ulotlarni boshlashga tayyor.

Sport.es tarqatgan xabarga ko‘ra, Ispaniya chempionati qayta boshlangan paytda urugvaylik futbolchi maydonga tushishga to‘liq tayyor bo‘ladi. Futbolchi tizzasidagi jarohat tufayli yanvar oyida jarrohlik stoliga yotishga majbur bo‘lgan edi. U kutilganidan erta tiklanishga muvaffaq bo‘ldi.

So‘nggi tarqatilayotgan ma’lumotlarga qaraganda, Ispaniya La ligasining qayta boshlash uchun 3ta sana tilga olinmoqda: 29 may, yoki 6 iyun, yoki 28 iyun.