Butunjahon sog‘liqni saqlash tashkiloti (BSST) UYEFAga 2021 yilning oxiriga qadar barcha xalqaro musobaqalarni bekor qilish taklifini berdi. Maqsad — koronavirusning takroriy tarqalishining oldini olish.
Braziliyaning "Placar" nashri tarqatgan xabarga ko‘ra, UYEFAning 16 aprel kuni o‘tkazilgan videokonferensiyasida ikki nafar epidemiolog prezentasiya o‘tkazgan. BSSTning fikricha, keskin choralargina infeksiyaning takroriy tarqalishining oldini oladi.
Muzokaralar sog‘ida tomonlar yakdil fikrga kelishmagan. Bundan tashqari, BSST UYEFA va uning musobaqalariga ta’sir ko‘rsatish uchun yuridik kuchga ega emas. Shu bois, UYEFA uning tavsiyalariga amal qilmasligi mumkin.
21 aprel kuni o‘tkazilgan video-konferensiyada esa UYEFA barcha milliy assosiasiyalarga mavsumni oxiriga yetkazib qo‘yish borasida tavsiya berdi.