UEFA ijroqo‘mi bugun — 23 aprel, payshanba kuni videokonferensiya o‘tkazib, Yevropa milliy assosiasiyalari bilan bilan birga bir nechta masalalarni muhokama qildi.
Tashkilot hamon milliy chempionatlarni yakunlash mumkinligiga hamda chempion jamoa va yevrokuboklar ishtirokchilari halol kurashda aniqlanishiga ishonmoqda.
Ammo, agar chempionatlarni oxiriga yetkazishning imkoni bo‘lmasa, UEFA yevrokuboklarning 2020/2021 yilgi mavsumi uchun yo‘llanmalarni milliy chempionatlarning hozirgi — to‘xtatilgan vaziyatdagi holatidan kelib chiqib taqdim etmoqchi. Bu haqda "Daily Mail" xabar tarqatdi.
Avvalroq tarqatilgan — klublarning UEFA reytingidagi o‘rnidan kelib chiqib yevrokuboklar uchun yo‘llanma taqdim etilishi mumkinligi haqidagi xabar noto‘g‘ri bo‘lib chiqdi.
