УЕФА ижроқўми бугун — 23 апрель, пайшанба куни видеоконференция ўтказиб, Европа миллий ассоциациялари билан билан бирга бир нечта масалаларни муҳокама қилди.
Ташкилот ҳамон миллий чемпионатларни якунлаш мумкинлигига ҳамда чемпион жамоа ва еврокубоклар иштирокчилари ҳалол курашда аниқланишига ишонмоқда.
Аммо, агар чемпионатларни охирига етказишнинг имкони бўлмаса, УЕФА еврокубокларнинг 2020/2021 йилги мавсуми учун йўлланмаларни миллий чемпионатларнинг ҳозирги — тўхтатилган вазиятдаги ҳолатидан келиб чиқиб тақдим этмоқчи. Бу ҳақда "Daily Mail" хабар тарқатди.
Аввалроқ тарқатилган — клубларнинг УЕФА рейтингидаги ўрнидан келиб чиқиб еврокубоклар учун йўлланма тақдим этилиши мумкинлиги ҳақидаги хабар нотўғри бўлиб чиқди.
