Bundesligada mavsumni davom ettirish uchun qanday xavfsizlik choralari rejalashtirilayotgani ma’lum bo‘ldi.
Der Spiegel xabariga ko‘ra, Germaniya Mehnat vazirligi 2ta asosiy variantni ko‘rib chiqmoqda.
Birinchisi – barcha futbolchilar, murabbiylar, tibbiy xodimlar mavsum oxiriga qadar karantinga olinadi. Misol uchun, ular katta mehmonxonaga joylashtirilishi mumkin.
Ikkinchisi – futbolchilar va hakamlar sport o‘yinlari uchun mo‘ljallangan niqob taqishadi. U tibbiy standartlarga mos kelishi va bir martalik bo‘lmasligi, o‘yin paytidagi kurashlarda tushib qolmasligi lozim. Niqobga o‘yin davomida qo‘l tekkizish taqiqlanadi. Agar u tushib qolsa, o‘yin to‘xtatilishi talab qilinadi. Qolaversa, gollarni birgalikda nishonlash ham taqiqlanadi. Bu qoidani buzganlar sariq karta bilan ogohlantiriladi.
Eslatib o‘tamiz, Bundesliga may oyidan boshlab muxlislarsiz davom ettirilishi haqida xabarlar tarqalgandi.
