«Yuventus» hujumchisi Krishtianu Ronaldu hozircha Portugaliyada bo‘lib turibdi hamda klub uni mashg‘ulotlarni boshlash uchun chaqirayotganiga qaramay, o‘yinchi  Italiyaga kela olmayapti.

Ma’lumotlarga qaraganda, uning shaxsiy samolyoti hozirda Madridda bo‘lgani uchun futbolchi Italiyaga ucha olmayapti. Uning samolyoti uchish uchun 3 marta ruxsat so‘radi, ammo har safar rad javobini oldi. Ispaniyada o‘rnatilgan cheklovlar tufayli uchoq Madridni tark eta olmayapti.

«Yuventus» futbolchilari 4 yoki 5 may kuni mashg‘ulotlarga kirishishi kutilmoqda.

Qayd etish kerakki, Ronaldu Italiyaga qaytganidan keyin ikki haftalik karantinga olinadi.