Uelslik yarim himoyachi Aaron Remzi Londonning «Arsenal» klubidan Turinning «Yuventus» klubiga o‘tish motivasiyasi haqida gapirdi.
Aaron Remzi «Arsenal»ning muhim o‘yinchisi edi. U klub bilan o‘z shartnomasini uzaytirib, hech qanday bosimga duch kelmasdan Londonlik muxlislarni xursand qilishi mumkin edi. Biroq, u yangi chorlovni qabul qilishga qaror qildi.
«Yuventus» — bu katta klub, dunyoning eng yaxshilaridan bi. Qachonki «Keksa sinyora»dan taklif tushsa uni rad etish qiyin», — dedi Remzi.
«Arsenal»da baxtiyor edim. Men yangi narsalarni sinab ko‘rishni, qulay joydan chiqib, yangi til o‘rganishni xohladim.
Boshqa chempionatning grand klublari safiga qo‘shilishim mumkinligini bilmoqchi edim. Men bungacha faqat Angliya chempionatida o‘ynagandim. Endi men Italiyada ham o‘ynay olishimni tushunib turibman», — dedi Remzi.
