La Liga prezidenti Xavyer Tebas Ispaniya klublarining shu haftada mashg‘ulotlarga kirishishi mumkinligi haqidagi mish-mishlarga oydinlik kiritdi.
- Ushbu inqiroz har birimizga jiddiy ta’sir ko‘rsatdi. Futbolning qaytishi — jamiyatning normal holatga qaytishining belgisidir. Ispaniya va butun dunyo fuqarolarining hayotida ular biladigan va sevadigan hayot elementi yana paydo bo‘ladi. Biz uchun eng muhimi insonlar salomatligi, shuning uchun biz xavfsizlik protokolini tuzdik. Lekin biz chempionatni qayta tiklashga umid qilyapmiz va iyun oyida o‘yinlarni boshlab, yozda chempionatni yakunlashni rejalashtiryapmiz, — Tebasning so‘zlaridan iqtibos keltirmoqda La Liga matbuot xizmati.
