Ла Лига президенти Хавьер Тебас Испания клубларининг шу ҳафтада машғулотларга киришиши мумкинлиги ҳақидаги миш-мишларга ойдинлик киритди.
- Ушбу инқироз ҳар биримизга жиддий таъсир кўрсатди. Футболнинг қайтиши — жамиятнинг нормал ҳолатга қайтишининг белгисидир. Испания ва бутун дунё фуқароларининг ҳаётида улар биладиган ва севадиган ҳаёт элементи яна пайдо бўлади. Биз учун энг муҳими инсонлар саломатлиги, шунинг учун биз хавфсизлик протоколини туздик. Лекин биз чемпионатни қайта тиклашга умид қиляпмиз ва июнь ойида ўйинларни бошлаб, ёзда чемпионатни якунлашни режалаштиряпмиз, — Тебаснинг сўзларидан иқтибос келтирмоқда Ла Лига матбуот хизмати.
