Angliyaning «Norvich Siti» klubi futbolchisi Charli Gilmor Londonning "Arsenal" klubi yarim himoyachisi Mesut O‘zilning samaradorligini kam deb baholadi va shuning uchun uni keskin tanqid ostiga oldi.
O‘tgan yilning yozida Gilmor «Arsenal» klubini tark etib, «Norvich Siti» klubiga yo‘l oldi. Charli O‘zil bilan munosabatlari yaxshi emasligini tan oldi.
«O‘zilda ajoyib iqtidor bor. U boshqa futbolchilar ko‘rmaydigan detallarni ko‘radi, biroq, u bundan umuman foydalanmaydi. Mesut o‘z iqtidorini sindirib qo‘ygan.
O‘zil nima uchun bunday katta maosh olishini tushunmayman. Uning maydondagi samaradorligini minimal darajada.
Futbol ko‘proq jismoniy holatni kuchaytirishni talab qilmoqda. Bu Mesut uchun muammo. U to‘pga egalik qilishni va o‘yinni boshqarishni yaxshi ko‘radi, lekin kurashlarga umuman qo‘shilmaydi.
«Arsenal» uning maoshini qayta ko‘rib chiqishi shart», — dedi Gilmor.
