UEFAning milliy assosiasiyalar departamenti drektori Zoran Lakovich yevrokuboklar mavsumini yakunlashning bir nechta ssenariylari tayyorlanganini ma’lum qildi.

— Yevropada sog‘liqni saqlash sohasidagi vaziyatni kuzatib boryapmiz. Yevropa chempionlar ligasi va Yevropa ligasi musobaqalarini davom ettirish uchun bizda bir necha xil variantlar mavjud.

— Biz barcha federasiyalar va klublarga yuborgan ssenariyga ko‘ra, musobaqalar avgust oyida davom ettiriladi va final oy so‘ngida bo‘lib o‘tadi.

— Umid qilamiz, ushbu variant o‘zgarmaydi. Shunga qaramay, bizda zaxira variantlar ham bor. Asosiy maqsadimiz — mavsumni oxiriga yetkazish.