ESPN nashri Angliya klublari tomonidan 2019 yilning yozida va 2020 yilning yanvar oyida amalga oshirilgan eng yaxshi transferlar reytingini tuzib chiqdi.

Reytingni tuzib chiqishda futbolchining o‘z jamoasining o‘yiniga qay tarzda ta’sir ko‘rsatgani va unga to‘langan pullar inobatga olindi.

Unga ko‘ra, yarim himoyachi Brunu Fernandeshning «Sporting»dan «Manchester Yunayted»ga o‘tishi APLning mazkur mavsumdagi eng yaxshi transferi deb topildi. Eslatib o‘tamiz, mankunianliklar 25 yoshli portugaliyalik futbolchini 50 million funt sterlingga sotib olishgan edi.

Ikkinchi pog‘onani Denni Ingz egalladi. «Sautgempton» ushbu forvardni «Liverpul»dan 20 mln funtga xarid qilishgan edi.

Uchinchi o‘rin «Kristal Pelas» himoyachisi Gari Kexillga nasib etdi. Jamoa uni «Chelsi»dan erkin agent sifatida qo‘lga kiritgan edi.

APLning ushbu mavsumdagi eng yaxshi transferlari reytingi (top-10):

1. Brunu Fernandesh («Sporting»dan «MYU»ga, 50 mln funt)
2. Denni Ingz («Liverpul»dan «Sautgempton»ga, 20 mln)
3. Gari Kexill («Chelsi»dan «Kristal Pelas»ga, erkin agent)
4. Gabriel Martinelli («Ituano»dan «Arsenal»ga, 6 mln)
5. Garri Maguayr («Lestera»dan «MYU»ga , 78 mln)
6. Jeyms Makkarti («Everton»dan «Kristal Pelas»ga, 3 mln)
7. Nil Mope («Brentford»dan «Brayton»ga, 20 mln)
8. Aaron Van-Bissaka («Kristal Pelas»dan «MYU»ga, 50 mln)
9. Mateo Kovachich («Real»dan «Chelsi»ga, 41 mln)
10. Ismaila Sarr («Renn»dan «Uotford»ga, 27 mln).