Daily Mail xabariga ko‘ra, "Yuventus" koronavirus pandemiyasi sharoitida og‘ir moliyaviy inqiroz tufayli futbolchilarning maoshini qisqartirish niyatida.

Endi Turin klubi pulni tejash uchun o‘z o‘yinchilariga yiliga 10 mln yevrogacha maosh to‘lamoqchi. Ya’ni "Yuventus"ning eng ko‘p maosh oladigan futbolchisiga ham yiliga 10 mln yevrodan ko‘p berilmaydi.

Bu shuni anglatadiki, "Yuventus" "MYU" futbolchisi Pol Pogbani ortga qaytarmasligi mumkin. Chunki ayni damda Pogba "Manchester Yunayted"da yiliga 15 million yevrodan ko‘proq maosh oladi.