Italiyaning "Breshiya" klubi hujumchisi Mario Balotelli karantin davrini qanday o‘tkazganini aytib berdi.
"Agar menga hozir to‘pni tashlab bersangiz, men to‘pni birinchi urinishimdayoq to‘xtata olmayman. Men ikki oy to‘pga tegmadim. So‘nggi ikki haftada aqldan ozdim, chunki, mutlaqo yolg‘iz edim. Mening qizim Neapolda, o‘g‘lim esa Syurixda, onam esa allaqachon qarib qolgan va himoyaga muhtoj, akalarim esa o‘z farzandlari bilan karatinda, shuning uchun yolg‘iz qoldim. Bu juda og‘ir bo‘ldi. Agar yugurish yo‘lakchasi bo‘lmasa, mashg‘ulot o‘tkazish qiyin, shu sababli, garchi bunga ruxsat berilmagan bo‘lsada, uyim yonida parkka yugurish uchun chiqdik. Karantinning dastlabki uch kunida men asosan karton yedim va devor parchalarini yeb ko‘rishga harakat qildim, chunki, men ovqat tayyorlashni bilmayman. Yaxshiyamki, keyin men ovqat buyurtma berishga muvaffaq bo‘ldim", — Balotellining so‘zlaridan iqtibos keltirmoqda Football Italia.
