«Tottenxem» yarim himoyachisi Dele Allining uyiga yuziga niqob taqqan hamda pichoq bilan qurollangan ikki kishi bostirib kirishdi, deya xabar tarqatdi "The Sun" nashri.

Hodisa 12 maydan 13 mayga o‘tar kechasi ro‘y bergan. Bu paytda 24 yoshli futbolchi o‘z uyida 6 nafar do‘sti va qallig‘i bilan bilyard o‘ynayotgan bo‘lgan.

Bosqinchilar Allining ikkita qo‘l soati va qallig‘iga tegishli qimmatbaho buyumlarni olib ketishdi. Shuningdek, o‘g‘rilar o‘yinchi va bir do‘stini urishgan. Ularning jarohati jiddiy bo‘lmadi, shuning uchun ular shifokorga murojaat qilishmadi.

Polisiya bo‘lib o‘tgan voqea yuzasidan surishtiruv ishlarini olib bormoqda. O‘g‘rilar hozircha qo‘lga olinmadi.