Himoyachi Tiago Silva «PSJ» bilan shartnomani uzaytirishi mumkin. 35 yoshli braziliyalik futbolchi bir yillik shartnomaga imzo chekishga tayyor.
Klub yangi shartnoma orqali Silvaning maoshini pasaytirmoqchi. Hozirda uning yillik maoshi 14 million yevroga teng. Ma’lumotlarga qaraganda, tomonlar kelishuvga erishishga yaqin turishibdi.
O‘yinchining «PSJ» bilan amaldagi shartnomasi 2020 yilning 30 iyun kuni yakuniga yetadi.