Le Parisien portalining tarqatgan ma’lumotiga qaraganda, Fransiyaning "Marsel" klubi bosh murabbiyi Andre Villash-Boash jamoani tark etishi mumkin.
Manbaning yozishicha, 42 yoshli mutaxassisning bu qarorga kelishiga sabab, hali hanuzgacha jamoaning kelajagi uchun hech qanday kafolat olmagan. Klub prezidenti bilan bo‘lib o‘tgan ikki uchrashuv ham uning qarorini o‘zgartirishga yordam bermagan.
"Marsel" klubini sport direktori Andoni Subisarreta ham tark etishi kutilmoqda.
Eslatib o‘tamiz, muddatdan oldin yakuniga yetkazilgan Fransiya chempionatida Andre Villash-Boash jamoasi 2-o‘rinni qo‘lga kiritdi.
