Koronavirus pandemiyasi sababli Shotlandiya hukumati futbol o‘yinlarini davom ettirmaslikka qaror qildi. Mamlakat futbol assosiasiyasining chempionatni to‘xtatish borasidagi qarorini barcha klublar bir ovozdan ma’qullashdi. Bu haqda BBC xabar bermoqda.
Natijada «Seltik» klubi Shotlandiyaning 2020 yilgi chempioni deb topildi. Mavsum yakunlanishidan 8 tur oldin Nil Lennon klubi asosiy ta’qibchisi «Reynjers»ni 13 ochkoga ortda qoldirgan edi. Shunday qilib, «Seltik» 9 karra mamlakat chempioniga aylandi.
Turnir jadvalining oxirgi pog‘onalaridan joy olgan «Xarts» elitani tark etdi. Uning o‘rniga keyingi mavsumdan «Dandi Yunayted» yuqori divizionga qaytdi.
