Коронавирус пандемияси сабабли Шотландия ҳукумати футбол ўйинларини давом эттирмасликка қарор қилди. Мамлакат футбол ассоциациясининг чемпионатни тўхтатиш борасидаги қарорини барча клублар бир овоздан маъқуллашди. Бу ҳақда BBC хабар бермоқда.
Натижада «Селтик» клуби Шотландиянинг 2020 йилги чемпиони деб топилди. Мавсум якунланишидан 8 тур олдин Нил Леннон клуби асосий таъқибчиси «Рейнжерс»ни 13 очкога ортда қолдирган эди. Шундай қилиб, «Селтик» 9 карра мамлакат чемпионига айланди.
Турнир жадвалининг охирги поғоналаридан жой олган «Хартс» элитани тарк этди. Унинг ўрнига кейинги мавсумдан «Данди Юнайтед» юқори дивизионга қайтди.
