«Chelsi» yarim himoyachisi Kallum Xadson-Odoi 17 may kuni modelni zo‘rlaganlik ayblovi bilan hibsga olingan edi. Bu haqda ESPN xabar tarqatdi.

Eslatib o‘tamiz, huquqni himoya qilish organlari xodimlari model qizning chaqiruvi bilan tonggi soat 4da futbolchining g‘arbiy Londondagi uyiga kelishgan edi. Shuningdek, voqea joyiga tez tibbiy yordam ham kelgan edi. Polisiyaning ma’lumot berishicha, qiz tibbiyot xodimlari oldida Kallum o‘zini zo‘rlaganini ta’kidladi.

Model shifoxonaga olib ketilgan bo‘lsa, Xadson-Odoi hibsga olinib, keyinchalik garov evaziga qo‘yib yuborildi. O‘sha kunning o‘zida "Chelsi" o‘yinchisining uyida tintuv o‘tkazildi.

Bo‘lib o‘tgan voqea yuzasidan o‘yinchining agenti quyidagicha izoh berdi:

«Hozir faqatgina shuni aytishimiz mumkinki, Kallum Xadson-Odoining aybi yo‘q. Hozir sizni bilishingiz va bu haqda yozishingiz kerak. Biz u bilan gaplashdik. U qonunga xilof hech narsa qilmaganini aytdi. Boshqa izoh bera olmaymiz».

«Chelsi» hozircha ushbu voqeaga izoh bermadi. Ammo klubga Kallumning xatti-harakati klubga ma’qul kelmagani aniq. Eslatib o‘tamiz, futbolchi yaqindagina koronavirusdan sog‘ayganiga qaramay karantin qoidasini ham buzdi.