Argentina terma jamoasi bosh murabbiyi Lionel Skaloni «Inter» hujumchisi Lautaro Martinesga «Barselona» qiziqayotgani haqidagi xabarlarga o‘z munosabatini bildirib o‘tdi.

«Agar Lautaroga Messi bilan birga o‘ynash nasib qilsa, terma jamoamiz uchun yaxshi bo‘lardi. O‘ylashimcha, u kataloniyaliklarning asosiy hujumchisiga aylanadi. Umid qilaman, u "Barsa"da o‘ynab keta oladi.

Lautaro — ajoyib hujumchi, shuning uchun u kuchli jamoada o‘ynashi lozim. U hozir ham kuchli jamoa safida. Agar Martines boshqa jamoaga o‘tishga qaror qilsa, men unga omad tilayman», — dedi Skaloni.

Martines ushbu mavsumda barcha musobaqalar doirasida 30ta o‘yinda maydonga tushib, 16ta gol urdi va 4ta golga uzatma berdi.