Dunyoning mashhur futbolchilaridan bo‘lgan Emmanuel Adebayor xristianlikdan chiqib, Islomni qabul qilishining sababini quyidagicha ifodalaydi:

● Xristianlikda 3 iloh e’tiqodi bor. Islomda esa, bir ilohga e’tiqod qilinadi. Shunday bo‘lsa-da, uzoq vaqtdan beri Iso alayhissalomni iloh ekanligi borasidagi fikrga qo‘shilmasdim. Borliqning yaratuvchisi yagona bo‘lishi kerak emasmi?!

● O‘qiganlarimga ko‘ra, Iso alayhissalom cho‘chqa go‘shti yemaganlar. Musulmonlar ham shunday.

● Iso alayhissalom insonlarga Allohning ismi bilan salom berganlar. Musulmonlar ham shunday qilishadi.

● Iso alayhissalom bir ishni qilmasdan oldin «Alloh izn bersa», derdilar. Musulmonlar ham «inshaalloh» deyishadi.

● Iso alayhissalom ibodat qilganlarida badanlarining ma’lum joylarini yuvganlar. Musulmon esa tahorat qilishadi.

● Iso alayhissalom soqollarini tartibli qo‘yardilar. Musulmonlar bunga «sunnat» deyishadi.

Xristian diniga e’tiqod qilgan davrimda bular borasida ko‘p o‘yladim. Iso alayhissalom xuddi musulmondek yashaganlar. Xristianlarning hayot tarzlari na Iso alayhissalomnikiga o‘xshaydi, na Alloh taoloning amrlariga muvofiq.

Abdulloh Rahimboyev tarjimasi