Germaniya chempionatining 28-turidan o‘rin olgan "der klassiker" yakuniga yetdi. "Borussiya" Dortmundda "Bavariya"ni qabul qilib, nafaqat 3 ochkoni boy berdi, balki amalda chempionlikni ham qo‘ldan chiqardi.

Butun o‘yin davomida myunxenliklar yaxshiroq harakat qilishdi. Ammo dortmundiklarda ham gol urish imkoniyatlar yuzaga keldi. Jumladan 1-daqiqadayoq Noyerning xatosidan keyin Xoland darvozaboni ishg‘ol qila olmadi: chiziq ustida turgan himoyachi to‘pni qaytarib qoldi. Erling ikkinchi bo‘limda ham yaxshi vaziyatga ega bo‘ldi. Ammo bu safar uning zarbasidan keyin to‘p himoyachiga tegib, maydonni tark etdi.

Birinchi bo‘lim tugashiga 2 daqiqa qolganida Yosua Kimmix jarima maydoni tashqarisida to‘pni qabul qildi va parashyut zarba berdi. To‘p darvozabonning ustidan oshib o‘tib, Byurkining qo‘llariga tegib, to‘rga borib tushdi.

Dortmundliklar to‘p o‘tkazib yuborishganidan keyin ikkinchi taymda hisobni tenglashtirishga harakat qilishdi. Ammo olis masofadan yo‘llangan zarbalarni Noyer qaytarishga muvaffaq bo‘ldi.

Shu tariqa,  "Bavariya" muhim o‘yinda g‘alaba qozonib, 2-o‘rindagi "Borussiya"dan 7 ochko oldinga o‘tib ketdi.

Germaniya chempionati, 28-tur
Borussiya D – Bavariya 0:1 (0:1, 0:0)
Gol: 0:1 – 43 Kimmix.
Borussiya D – Byurki, Akandji, Pishchek (Getse, 80), Xummels, Hakimiy, Daud (Vitsel, 85), Gerreyru, Azar, Dileyni (Emre Jan, 46), Brandt (Sancho, 46), Xoland (Reyna, 72).
Bavariya – Noyer, Pavar, Boateng (Lyuka Ernandes, 85), Alaba, Kimmix, Goretska, Devis, Koman (Perishich, 73), Gnabri (Martines, 87), Levandovski, Myuller.
Ogohlantirishlar: Xummels (13), Myuller (66), Daud (67), Devis (74).