Германия чемпионатининг 28-туридан ўрин олган "дер классикер" якунига етди. "Боруссия" Дортмундда "Бавария"ни қабул қилиб, нафақат 3 очкони бой берди, балки амалда чемпионликни ҳам қўлдан чиқарди.

Бутун ўйин давомида мюнхенликлар яхшироқ ҳаракат қилишди. Аммо дортмундикларда ҳам гол уриш имкониятлар юзага келди. Жумладан 1-дақиқадаёқ Нойернинг хатосидан кейин Холанд дарвозабони ишғол қила олмади: чизиқ устида турган ҳимоячи тўпни қайтариб қолди. Эрлинг иккинчи бўлимда ҳам яхши вазиятга эга бўлди. Аммо бу сафар унинг зарбасидан кейин тўп ҳимоячига тегиб, майдонни тарк этди.

Биринчи бўлим тугашига 2 дақиқа қолганида Йосуа Киммих жарима майдони ташқарисида тўпни қабул қилди ва парашют зарба берди. Тўп дарвозабоннинг устидан ошиб ўтиб, Бюркининг қўлларига тегиб, тўрга бориб тушди.

Дортмундликлар тўп ўтказиб юборишганидан кейин иккинчи таймда ҳисобни тенглаштиришга ҳаракат қилишди. Аммо олис масофадан йўлланган зарбаларни Нойер қайтаришга муваффақ бўлди.

Шу тариқа,  "Бавария" муҳим ўйинда ғалаба қозониб, 2-ўриндаги "Боруссия"дан 7 очко олдинга ўтиб кетди.

Германия чемпионати, 28-тур
Боруссия Д – Бавария 0:1 (0:1, 0:0)
Гол: 0:1 – 43 Киммих.
Боруссия Д – Бюрки, Аканджи, Пишчек (Гетце, 80), Хуммельс, Ҳакимий, Дауд (Витцель, 85), Геррейру, Азар, Дилэйни (Эмре Жан, 46), Брандт (Санчо, 46), Холанд (Рейна, 72).
Бавария – Нойер, Павар, Боатенг (Люка Эрнандес, 85), Алаба, Киммих, Горетцка, Дэвис, Коман (Перишич, 73), Гнабри (Мартинес, 87), Левандовски, Мюллер.
Огоҳлантиришлар: Хуммельс (13), Мюллер (66), Дауд (67), Дэвис (74).