Italiya futbol federasiyasi va A seriya rahbariyati yangi mavsumdan boshlab tomoshabinlarni stadionga qaytarish imkoniyatini ko‘rib chiqmoqda.

"Corriere dello Sport" tarqatgan xabarga ko‘ra, stadionlardagi o‘rindiqlar eni o‘rtacha 45 sm.ni tashkil etadi. Agar muxlislar oralig‘ida 2tadan bo‘sh o‘rindiq qoladigan bo‘lsa, ijtimoiy masofa saqlanadi. Ya’ni stadionning uchdan bir qismi ishqibozlar bilan to‘lsa, xavfsizlik ta’minlanadi.

Ushbu g‘oyani "Lechche" prezidenti Saverio Stikki Damiani berdi:

"Stadionimizga 30.000 tomoshabin sig‘adi. Ulardan 20 000ta abonement egalariga sotilgan. Ularni ikkiga bo‘lib, navbatma-navbat o‘yinga kiritadigan bo‘lsak, kerakli masofa saqlanadi. Odatiy chiptalarni esa sotmaymiz".