"Manchester Yunayted"ning sobiq hujumchisi Xavyer Ernandes (Chicharito) klubdagi muammolar haqida gapirdi. Meksikalik futbolchiga ko‘ra, Aleks Fergyuson iste’foga chiqqandan so‘ng darhol vahima boshlangan. Devid Moyesning tayinlanishi esa "halokatli" xato bo‘lgan.

"Moyesga shaxsiy xusumatim yo‘q, ammo aniqki, klub uni bosh murabbiylikka tayinlab, xatoga yo‘l qo‘ydi. Bu haligacha ta’sir qiladigan birinchi xatodir. Moyes yomon murabbiy emasdi, ammo klub u bilan tezda Fergyusonning o‘rnini yopish mumkin, deb o‘ylashdi.

Moyes haqidagi qaror esa keyin muammoga aylandi. Men, Rafael, Uelbek va boshqa ko‘plab futbolchilar o‘ynash uchun klubni tark etishga majbur bo‘ldik", — dedi Ernandes.