Madridning «Atletiko» klubi futbolchisi Yannik Karrasko Ispaniya chempionatining qayta tiklanishi haqidagi fikrlari bilan o‘rtoqlashdi.
— Tomoshabinlarsiz o‘ynash biroz g‘alati, lekin biz professionallarmiz. Ishqibozlar televizor orqali zavq olishlari uchun qo‘limizdan kelgan barcha narsani qilamiz. Jamoadoshlarimni ko‘rishdan va ular bilan mashg‘ulot olib borishimdan xursandman. Jamoamiz juda yaxshi va tanaffusdan keyingi dastlabki rasmiy uchrashuvga jiddiy tayyorgarlik ko‘ryapmiz. Biz ushbu uchrashuvga juda yaxshi holatda keldik, - Karraskoning so‘zlaridan iqtibos keltirmoqda Goal.com.
