Мадриднинг «Атлетико» клуби футболчиси Янник Карраско Испания чемпионатининг қайта тикланиши ҳақидаги фикрлари билан ўртоқлашди.
— Томошабинларсиз ўйнаш бироз ғалати, лекин биз профессионаллармиз. Ишқибозлар телевизор орқали завқ олишлари учун қўлимиздан келган барча нарсани қиламиз. Жамоадошларимни кўришдан ва улар билан машғулот олиб боришимдан хурсандман. Жамоамиз жуда яхши ва танаффусдан кейинги дастлабки расмий учрашувга жиддий тайёргарлик кўряпмиз. Биз ушбу учрашувга жуда яхши ҳолатда келдик, - Каррасконинг сўзларидан иқтибос келтирмоқда Goal.com.
