Liverpool Echo portalining tarqatgan ma’lumotiga qaraganda, Angliyaning «Liverpul» klubi o‘z yarim himoyachisi Adam Lallana bilan shartnomani uzaytirish niyatida.
31 yoshli angliyalik futbolchi «qizillar»ga rotasiya sifatida kerak bo‘lib qolishi mumkin, chunki, koronavirus pandemiyasi keltirib chiqargan moliyaviy inqiroz tufayli, "Liverpul" rahbariyati boshqa futbolchi uchun katta mablag‘ sarf qilishdan ko‘ra, o‘z futbolchisini tarkibda ushlab qolishni rejalashtirmoqda.
Eslatib o‘tamiz, Lallananing «Liverpul» bilan tuzgan shartnomasi shu yilning yozida o‘z yakuniga yetadi va futbolchi erkin agentga aylanadi. Lallanaga «Lester» va «Sautgempton» klublari davogarlik qilishmoqda.
