Xabaringiz bor, O‘zbekiston professional futbol klublari uchun 2020 yilgi Musobaqalarni o‘tkazish Reglamentida yozgi transfer oynasi 6 - 31 iyul sanalari oralig‘i etib belgilangan edi. Biroq, koronavirus pandemiyasi sababli milliy chempionat uchrashuvlarida qisqa tanaffus yuzaga keldi. Bu esa o‘z navbatida mavsum taqvimiga ham o‘z ta’sirini o‘tkazdi.

Shu munosabat bilan O‘zbekiston Professional futbol ligasi 2020 yilgi yozgi transferlar oynasi muddatini avgust oyiga ko‘chirishni eng maqbul variant, deya hisoblaydi.

Shuni inobatga olgan holda, O‘zbekistonda yozgi transferlar oynasi muddatini 10-31 avgust sanalari oralig‘iga ko‘chirildi.