Serbiyaning 3-divizioni klubi — «Boras» futbolchilari maoshlar o‘z vaqtida berilmayotgani munosabati bilan ochlik e’lon qilishdi. "Eurosport" tarqatgan xabarga ko‘ra, ushbu "qo‘zg‘olon"da 25 nafar o‘yinchi ishtirok etmoqda.

Ma’lumotlarga qaraganda, hozirgi kunda «Boras» qarzdorlik tufayli tarqatib yuborilgan. Klub xo‘jayinlari «Provo» nomli klubni sotib olib, uni «Boras 1926» deb qayta nomlashgan. Ammo rahbariyat futbolchilar bilan hisob-kitob qilishga shoshilishmayapti.

Serbiya futbolchilar kasaba uyushmasa rahbari Mirko Poledisaning ta’kidlashicha, «Boras» futbolchilarining norozilik aksiyasi dushanba kunidan boshlab davom etmoqda. O‘yinchi bitta tunni shahar hokimiyati binosi yaqinida o‘tkazishgan.

«Agar hukumat sportchilarga nisbatan shunday munosabatdi bo‘lishga uyalmasa, biz bunday chorani qo‘llashdan uyalmaymiz», — dedi Poledisa.