Сербиянинг 3-дивизиони клуби — «Борац» футболчилари маошлар ўз вақтида берилмаётгани муносабати билан очлик эълон қилишди. "Eurosport" тарқатган хабарга кўра, ушбу "қўзғолон"да 25 нафар ўйинчи иштирок этмоқда.

Маълумотларга қараганда, ҳозирги кунда «Борац» қарздорлик туфайли тарқатиб юборилган. Клуб хўжайинлари «Прово» номли клубни сотиб олиб, уни «Борац 1926» деб қайта номлашган. Аммо раҳбарият футболчилар билан ҳисоб-китоб қилишга шошилишмаяпти.

Сербия футболчилар касаба уюшмаса раҳбари Мирко Поледицанинг таъкидлашича, «Борац» футболчиларининг норозилик акцияси душанба кунидан бошлаб давом этмоқда. Ўйинчи битта тунни шаҳар ҳокимияти биноси яқинида ўтказишган.

«Агар ҳукумат спортчиларга нисбатан шундай муносабатди бўлишга уялмаса, биз бундай чорани қўллашдан уялмаймиз», — деди Поледица.