Bugun, 13-iyun kuni O‘zbekiston kubogi birinchi bosqichiga qur’a tashlash marosimi bo‘lib o‘tadi.
Bugun Superliga 4-turidan o‘rin olgan "Bunyodkor" - "Qo‘qon-1912" uchrashuvi bo‘lib o‘tadi. Mazkur bellashuvning tanaffusida "Bunyodkor" stadionida O‘zbekiston kubogi birinchi bosqichiga qur’a tashlanadi. Qur’a "Sport" telekanali orqali jonli efirda namoyish etiladi.
Ushbu bosqichda Pro liganing barcha 8 jamoasi ishtirok etadi. Qur’a sakkiz jamoani to‘rt juftlikka ajratib beradi. Ikkinchi bosqichga yo‘l olgan to‘rt jamoa yana ikki juftlik hosil qiladi. G‘oliblar Superliganing 14 klubiga qo‘shilib, kubokning guruh bosqichiga yo‘llanma oladi.
Ta’kidlash joiz, "Bunyodkor" - "Qo‘qon-1912" o‘yini soat 19:00 da start oladi.
