“Ajdarlar” Superliganing 4-turida Namanganning “Navbahor” jamoasini qabul qiladi.
“Nasaf” – “Navbahor” uchrashuvi 14 iyun yakshanba kuni Qarshi “Markaziy” stadionida muxlislarsiz bo‘lib o‘tadi. Uchrashuv soat 20:00da boshlanadi.
O‘zaro uchrashuvlar tarixidan
Mazkur klublar O‘zbekiston chempionatida shu kungacha 46 bor kuch sinashishgan. Natijalar “ajdarlar” ning yaqqol ustunligini ko‘rsatmoqda. Bo‘lib o‘tgan 22 uchrashuvda “Nasaf”, 12 o‘yinda esa “Navbahor” g‘alabaga erishgan. 12 uchrashuvda durang natijasi qayd etilgan.
To‘plar nisbati 77:63 ga teng. Ustunlik “ajdarlar” tarafida.
O‘zaro uchrashuvlarda qayd etilgan eng yuqori hisoblar quyidagicha: “Nasaf” – “Navbahor” 6:0, “Navbahor” – “Nasaf” 6:0.
"Nasaf" so‘nggi o‘zaro uchrashuvni o‘tgan yili 31 oktyabr kuni Namanganda o‘tkazgan. Bu uchrashuv 1:1 hisobida yakunlangan.
Qarshidagi o‘zaro bahslarga oid
Ushbu jamoalar shu paytgacha Qarshida 22 bor kuch sinashishgan. 17 uchrashuvda jamoamiz g‘alaba qozongan. 2 uchrashuvda durang qayd etilgan va 3 bir uchrashuvda namanganliklar g‘alaba qozonishgan. Darvozalarga jami 69 ta to‘p kiritilgan. To‘plar nisbati 49:20.
E’tiboringizga, Qarshida bo‘lib o‘tgan so‘nggi besh uchrashuvning natijalarini havola qilamiz.
12.04.2019 Nasaf – Navbahor 0:1
08.07.2018 Nasaf – Navbahor 1:1
25.06.2017 Nasaf – Navbahor 4:0
22.10.2016 Nasaf – Navbahor 6:0
25.09.2015 Nasaf – Navbahor 5:1
