“Аждарлар” Суперлиганинг 4-турида Наманганнинг “Навбаҳор” жамоасини қабул қилади.
“Насаф” – “Навбаҳор” учрашуви 14 июнь якшанба куни Қарши “Марказий” стадионида мухлисларсиз бўлиб ўтади. Учрашув соат 20:00да бошланади.
Ўзаро учрашувлар тарихидан
Мазкур клублар Ўзбекистон чемпионатида шу кунгача 46 бор куч синашишган. Натижалар “аждарлар” нинг яққол устунлигини кўрсатмоқда. Бўлиб ўтган 22 учрашувда “Насаф”, 12 ўйинда эса “Навбаҳор” ғалабага эришган. 12 учрашувда дуранг натижаси қайд этилган.
Тўплар нисбати 77:63 га тенг. Устунлик “аждарлар” тарафида.
Ўзаро учрашувларда қайд этилган энг юқори ҳисоблар қуйидагича: “Насаф” – “Навбаҳор” 6:0, “Навбаҳор” – “Насаф” 6:0.
"Насаф" сўнгги ўзаро учрашувни ўтган йили 31 октябрь куни Наманганда ўтказган. Бу учрашув 1:1 ҳисобида якунланган.
Қаршидаги ўзаро баҳсларга оид
Ушбу жамоалар шу пайтгача Қаршида 22 бор куч синашишган. 17 учрашувда жамоамиз ғалаба қозонган. 2 учрашувда дуранг қайд этилган ва 3 бир учрашувда наманганликлар ғалаба қозонишган. Дарвозаларга жами 69 та тўп киритилган. Тўплар нисбати 49:20.
Эътиборингизга, Қаршида бўлиб ўтган сўнгги беш учрашувнинг натижаларини ҳавола қиламиз.
12.04.2019 Насаф – Навбаҳор 0:1
08.07.2018 Насаф – Навбаҳор 1:1
25.06.2017 Насаф – Навбаҳор 4:0
22.10.2016 Насаф – Навбаҳор 6:0
25.09.2015 Насаф – Навбаҳор 5:1
