"Chelsi" hujumchisi Pedro "Valensiya"ga o‘tishga yaqin turibdi, deb xabar beradi Sport.es nashri.

Manbada aytilishicha, 32 yoshli ispaniyalik futbolchi "Roma"ga o‘tishi mumkin edi, ammo Italiya klubi rahbariyati futbolchi bilan shartnoma imzolamaslikga qaror qildi.

Xabar qilinishicha, "Valensiya" imkoniyatni qo‘ldan boy bermoqchi emas va "Chelsi" bilan Pedroning transferi bo‘yicha kelishuvga erishishi mumkin.

2019/20 yilgi mavsumda Pedro "Chelsi" safida 18 ta o‘yin o‘tkazdi, uning hisobida 2 ta gol va 3 ta gollik uzatma bor.