Ispaniya chempionatining 29-turi doirasida «Barselona» bugun o‘z uyida «Leganes»ni qabul qilib, o‘z hisobiga 3 ochkoni yozib qo‘ydi.

O‘yin davomida tashabbus kataloniyaliklar tomonida bo‘lgan bo‘lsa-da, Setyen jamoasi g‘alabani osonlik bilan qo‘lga kiritmadi. Ayniqsa, o‘yinning 10-daqiqasida mehmonlar 2ta o‘ta qulay imkoniyatdan foydalana olishmadi. Dastlab Langle bo‘sh darvozaga kirayotgan to‘pni chiziq oldida qaytarib qolgan bo‘lsa, oradan 1 daqiqa o‘tib "Leganes" futbolchisining zarbasidan keyin to‘p ustunga tegdi.

"Barsa" deyarli bir taym davomida raqibning mudofaasini yorib o‘tishga urindi. 42-daqiqada Ansu Fati 15 metrlardan zarba berib, hisobni ochdi.

Ikkinchi taymda o‘yin surati o‘zgarmadi. Grizmann tomonidan urilgan gol kichik ofsayd tufayli bekor qilingan bo‘lsa, oradan ko‘p o‘tmasdan "Leganes" darvozasi tomon penalti belgilandi. Messi undan samarali foydalanib, farqni ikkitaga oshirdi.

Ushbu g‘alaba tufayli "Barselona" o‘z ochkolarini 64taga yetkazib oldi. "Ko‘k-anorranglilar" 19 iyun kuni "Sevilya" maydoniga safar uyushtirishadi.

Ispaniya La ligasi, 29-tur
Barselona – Leganes 2:0 (1:0)
Gollar: 1:0 – 42 Fati, 2:0 – 69, penalti Messi.
Barselona – ter Stegen, Pike (Umtiti, 73), Firpo, Langle, Serdji Roberto (Semedu, 53), Buskets (Vidal, 63), Artur (Puch, 73), Rakitich, Fati (Suares, 54), Messi, Grizmann.
Leganes – Kuelyar, Tarin, Avazyem, Silva (Rodriges, 71), Bustinsa, Resio (Xil, 85), Eraso (Amadu, 63), Ruben Peres, Mesa (Assale, 46), Ruibal, Gerrero (Karrilyo, 71).
Ogohlantirishlar: Bustinsa (37), Ruben Peres (68), Avazyem (82), Langle (84), Puch (84), Firpo (89), Rakitich (90).