O‘zbekiston kubogi saralash bosqichi doirasidagi «Istiqlol» - «Dinamo» o‘yini bilan jamoalar yangi uchun mavsum rasman boshlanadi.
Samarqand klubi 23 iyun seshanba kuni Farg‘onada «Istiqlol» klubi bilan kuch sinashadi. Bir o‘yindan iborat kubok bahsida g‘olib jamoa keyingi bosqchiga chiqadi.
O‘zbekiston kubogi. Saralashning birinchi bosqichi
23 iyun, seshanba
«ISTIQLOL» (Farg‘ona) – «DINAMO» (Samarqand)
O‘yin boshlanish vaqti: 17:30
Hakamlar: Rahim Karimov, Oybek Kalaxo‘jayev, Husniddin Bahodirov, G‘ayrat Jo‘rayev
Nazoratchi: Shuxrat Bozorov
Komissar: Baxtiyor Shirinov.
O‘zaro o‘yinlar
«Dinamo» «Istiqlol» klubi bilan 2018 yilgi mavsumda ham o‘zaro uchrashib, Samarqandda Dilmurod Karimovning goli evaziga 1:0, Farg‘onada esa Sanjar Baratovning goli evaziga 0:1 hisobidagi g‘alaba bilan qaytgan edi.
«Istiqlol» qanday jamoa?
Farg‘onaning ushbu klubi bir necha mavsumdan buyon Pro-liga o‘yinlarida Superliga yo‘llanmasi uchun doimiy kurashib kelayotgan klub sanaladi. Avvalgi yillarda jamoani «Neftchi» afsonalari - Sergey Lebedov va Anvar Berdiyevlar boshqarib kelishgandi.
Qaysi futbolchilar to‘p surishmoqda?
Jamoa tarkibida Superliga havosida to‘p surgan futbolchilar talaygina. Jumladan, Abbosbek Maxstaliyev, Xurshid Xo‘jayev, Umid Qodirov, Rustam Abduhamidov, Robbim Hasanov, 21. Elyor Mamasoliyev, Nodir Ashurmatov hamda «Dinamo» sobiq futbolchisi Muydin Mamazulumov singari futbolchilar «Istiqlol» sharafini himoya qilib kelmoqda.
«Istiqlol» qayerda to‘p suradi?
Ushbu klub Farg‘onadagi markaziy arena sanalmish - «Istiqlol» stadionining mezboni sanaladi. «Dinamo» bilan o‘yin ham aynan ushbu o‘yingohda o‘tkaziladi.
