Angliyaning «Manchester Siti» klubi sobiq darvozaboni Jo Xart Xosep Gvardiola boshchiligidagi «shaharliklar» tarkibini qanday tark etganini yodga oldi.
«U bilan suhbat qurganimga ishonch hosil qildim. Albatta, biz o‘zaro suhbatlashayotganimizda imkon qadam o‘zimni ushlab turardim. U nima demoqchi bo‘lganini tinglardim.
Gap shundaki, men u xohlayotgan darvozabondek oyoqda yaxshi o‘ynay olmasdim. U "Siti"da o‘zidan iz qoldirmoqchi ekanligini angladim. U borishni istagan yo‘nalishlari bor edi va bu yo‘nalishi xato emasmidi?
Men jamoa bosh murabbiyi etib Gvardiola tayinlanganida biroz tashvishlangan edim. Juda ko‘plab insonlar meni ishontirishga harakat qilishdi. Ammo, bu ba’zida shunchaki seziladi. Keyin Yevro-2016dan so‘ng jamoa ixtiyoriga keldim va u menga ushbu transfer bozorida jamoani tark etishim kerakligini qisqa va lo‘nda qilib tushuntirib qo‘ydi.
Bu Pepning aqlliligidan dalolat beradi. U o‘zi chiqargan qaroriga qat’iy amal qiladi. Men uni yoqtirmasligimni his qilmayapmanyu Biz erkaklar singari yaxshi munosabatda bo‘lamiz. Ikkimiz ham futbolni sevamiz», – dedi Xart The Guardian bilan suhbatda.
