Angliya chempionatining 31-turi doirasida «Tottenxem» o‘z uyida «Vest Xem»ni qabul qildi.

Mehmonlar birinchi bo‘limda ancha tartibli himoyalanishdi va o‘z darvozalari daxlsizligini saqlab qolishdi. Taym so‘ngida Son Xyong Min tomonidan kiritilgan to‘p kichik ofsayd tufayli bekor qilindi.

Mezbonlarning ikiknchi bo‘limdagi urinishlari nihoyat 64-daqiqada o‘z samarasini berdi:  Tomash Souchek o‘z darvozasini ishg‘ol qilib qo‘ydi.

O‘yin tugashiga 8 daqiqa qolganida "Tottenxem" qarshi hujum tashkil qildi. Son Xyong Min tomonidan berilgan uzatma natijasida Xarri Keyn darvozabon bilan yakkama-yakka vaziyatga chiqib ketdi va hisobdagi farqni oshirdi.

Ushbu g‘alaba tufayli "shporlar" o‘z ochkolarini 45taga yetkazib, "Sheffild"dan o‘tib ketgancha 7-o‘ringa ko‘tarilib oldi.

Angliya premyer-ligasi, 31-tur
Tottenxem – Vest Xem 2:0 (0:0)
Gollar: 1:0 – 64, avtogol Souchek, 2:0 – 82 Keyn.
Tottenxem – Lyoris, OrYE, Sanches, Devis, Dayer, Alli (Lamela, 59), Sissoko, Lo Chelso, Lukas Moura (Bergveyn, 72), Son Xyong Min (Uinks, 86), Keyn.
Vest Xem – Fabianski, Kressuell, Balbuena, Diop, Frederiks, Antonio, Souchek, Fornals (Lansini, 71), Rays, Bouen, Nobl (Felipe Anderson, 71).
Ogohlantirishlar: Fornals (15), Nobl (26), Keyn (51), Devis (67).