Italiya chempionatining 28-turi doirasida «Milan» o‘z uyida «Roma»ni qabul qilib, ishonchli g‘alabani qo‘lga kiritdi.

Birinchi bo‘limda to‘p asosan maydon markazida bo‘ldi va hisob ochilmadi.

Ikkinchi bo‘limda "rossoneri" raqibga nisbatan ko‘proq xavfli vaziyat yaratdi hamda haqli g‘alabani qo‘lga kiritdi. Taym o‘rtalarida "Milan" ketma-ket burchak to‘pini o‘yinga kiritdi va har ikkala "standart" xavfli bo‘ldi.

Ammo hisob 76-daqiqada ochildi. Frank Kessi chalqancha uslubda bergan zarbani "Roma" posboni qaytardi. Rebich yo‘llagan dastlabki zarba ustunga tegib qaytgan bo‘lsa, Ante ikkinchi urinishda darvozasini ishg‘ol qildi.

O‘yinning asosiy vaqti tugashiga 2 daqiqa qolganida Smolling o‘z jarima maydoni ichida Teo Ernandesni yiqitdi. Belgilangan penaltini Hoqon Cholhono‘glu samarali amalga oshirdi. 2:0.

Ushbu g‘alaba tufayli "Milan" o‘z ochkolarini 42taga yetkazib, yevrokuboklar yo‘llanmasini beradigan kuchli oltilikka kirish uchun kurashni davom ettiradi.

Italiya A seriyasi, 28-tur
Milan – Roma 2:0 (0:0)
Gollar: 1:0 – 76 Rebich, 2:0 – 89, penalti Chalxano‘glu.
Milan – Donnarumma, Konti, Kyer, Romanyoli, Teo, Kastilyexo (Salemakers, 54), Chalxano‘glu, Bennaser, Bonaventura (Lukas Paketa, 54), Kessie, Rebich (Rafael Leau, 78).
Roma – Mirante, Dzappakosta, Manchini, Spinassola, Smolling, Pellegrini (Diavara, 81), Mxitaryan (Perotti, 69), Kristante (Pastore, 81), Veretu, Klyuyvert (Karles Peres, 58), Djeko (Kalinich, 70).
Ogohlantirishlar: Pellegrini (22), Kastilyexo (41), Rebich (62), Veretu (90).