Италия чемпионатининг 28-тури доирасида «Милан» ўз уйида «Рома»ни қабул қилиб, ишончли ғалабани қўлга киритди.

Биринчи бўлимда тўп асосан майдон марказида бўлди ва ҳисоб очилмади.

Иккинчи бўлимда "россонери" рақибга нисбатан кўпроқ хавфли вазият яратди ҳамда ҳақли ғалабани қўлга киритди. Тайм ўрталарида "Милан" кетма-кет бурчак тўпини ўйинга киритди ва ҳар иккала "стандарт" хавфли бўлди.

Аммо ҳисоб 76-дақиқада очилди. Франк Кесси чалқанча услубда берган зарбани "Рома" посбони қайтарди. Ребич йўллаган дастлабки зарба устунга тегиб қайтган бўлса, Анте иккинчи уринишда дарвозасини ишғол қилди.

Ўйиннинг асосий вақти тугашига 2 дақиқа қолганида Смоллинг ўз жарима майдони ичида Тео Эрнандесни йиқитди. Белгиланган пенальтини Ҳоқон Чолҳонўглу самарали амалга оширди. 2:0.

Ушбу ғалаба туфайли "Милан" ўз очколарини 42тага етказиб, еврокубоклар йўлланмасини берадиган кучли олтиликка кириш учун курашни давом эттиради.

Италия А серияси, 28-тур
Милан – Рома 2:0 (0:0)
Голлар: 1:0 – 76 Ребич, 2:0 – 89, пенальти Чалханўглу.
Милан – Доннарумма, Конти, Кьер, Романьоли, Тео, Кастильехо (Салемакерс, 54), Чалханўглу, Беннасер, Бонавентура (Лукас Пакета, 54), Кессиэ, Ребич (Рафаэл Леау, 78).
Рома – Миранте, Дзаппакоста, Манчини, Спинаццола, Смоллинг, Пеллегрини (Диавара, 81), Мхитарян (Перотти, 69), Кристанте (Пасторе, 81), Верету, Клюйверт (Карлес Перес, 58), Джеко (Калинич, 70).
Огоҳлантиришлар: Пеллегрини (22), Кастильехо (41), Ребич (62), Верету (90).