Angliya chempionatining 33-tur bahslariga yakun yasaldi. «Tottenxem» o‘z uyida «Everton»ni qabul qilib, kichik hisobda g‘alaba qozondi.

Uchrashuvning 24-daqiqasida Xarri Keyn tomonidan yo‘llangan zarba natijasida himoyachiga tegib qaytgan bo‘lsa, Lo Chelsoning zarbasidan keyin to‘p mersisaydliklar himoyachisi Maykl Kinga tegib o‘z yo‘nalishini o‘zgartirdi va to‘rga borib tushdi.

Mourinyo shogirdlari o‘yin oxiriga qadar yana bir nechta xavfli vaziyatlarni vujudga keltirishdi, ammo ulardan foydalanish boshqa nasib etmadi.

Ushbu g‘alabadan keyin "Tottenxem" o‘z ochkolarini 48taga yetkazib, jadvalda 8-o‘ringa ko‘tarilib oldi.

Angliya chempionati, 33-tur
Tottenxem – Everton 1:0 (1:0, 0:0)
Gol: 1:0 – 24, avtogol Kin.
Tottenxem – Lyoris, OrYE, Alderveyreld, Dayer, Devis, Sissoko, Uinks, Lo Chelso (Vertongen, 90), Lukas Moura (Lamela, 82), Keyn, Son Xin Min (Bergveyn, 78).
Everton – Pikford, Koulmen (Sidibe, 77), Kin, Xolgeyt (Mina, 36), Din, Devis (Kin, 77), Sigurdsson (Bernard, 67), Andre Gomesh, Ivobi (Gordon, 46), Risharlison, Kelvert-Lyuin.
Ogohlantirishlar: Xolgeyt (28), Sissoko (48), Devis (76), Alderveyreld (84), Andre Gomesh (87).