Ispaniya chempionatining 36-turi doirasida «Atletiko» o‘z uyida «Betis»ni qabul qilib, qiyin g‘alabani qo‘lga kiritdi.

Birinchi bo‘limda hisob ochilmagan bo‘lsa, ikkinchi bo‘limning 57-daqiqasida "matraschilar" himoyachisi  Mario Ermoso maydondan chetlatildi.

Diyego Simeone shogirdlari qolgan daqiqalarda bir kish kam bo‘lib o‘ynaganiga qaramay, g‘alabani ilib ketishga muvaffaq bo‘lishdi. Bahsning 74-daqiqasida jarimadan yetkazilgan uzatmani Diyego Kosta bosh bilan andalusiyaliklar darvozasiga burib yubordi.

Ushbu g‘alaba evaziga "Atletiko" o‘z ochkolarini 66taga yetkazib, 3-o‘rin uchun kurashni davom ettiradigan bo‘ldi.

Ispaniya La ligasi, 36-tur
Atletiko – Betis 1:0 (0:0, 1:0)
Gol: 1:0 – 74 Diyego Kosta.
Atletiko – Oblak, Ermoso, Savich, Trippyer (Aryas, 42), Lodi, Tomas, Saul (Vitolo, 55), Lyorente (Ferreyra Karrasko, 55), Koke, Korrea (Felipe, 61), Morata (Diyego Kosta, 55).
Betis – Dani Martin, Bartra, Barragan (Emerson, 70), Sidney, Moreno (Telyo, 83), Vilyam Karvalyu (Xoakin, 70), Rodriges, Kanales, Guardado (Pedrasa, 43), Fekir, Moron (Iglesias, 83).
Ogohlantirishlar: Savich (11), Barragan (45), Feddal (78), Emerson (90).
Chetlatish: Ermoso (57).